Khlad U Woh Chaimon Pyrbot ha i rta wa 105 snem

Syllad | The Rising MeghalayaAugust 11, 2021

U Woh Chaimon Pyrbot, uwi na kiwa heh dooh jen ha chong Jowai iong i, da khlad ha i r’ta iwa 105 snem ynne i step ha Ïung Blai iong O ha Loompyrdi Iongpiah, Jowai. Ia i pyndep ia ka niam thang niam riñ iong O u pyndep ha ka 12.08.2021 heipor 10:00 waje i step ha khnap thangbru ha Khimmusniang Jowai.

Ka Loompyrdi Iongpiah pynsniaw ko iei mynsiem iwa diaw iei khlad noh iong U Woh Chaimon Pyrbot.

U Woh Chaimon Pyrbot toh da man u u Khai U Piar u Chrot Skit iong Ka Loom ka Pdeiñ iong i. Man u nongiahluti wow man i kiwa tipbru tipblai kiwa tip wei sniawthuh wow burom u makhane iei iongi da hi nadooh ka niam ka rukom ki dustur ki riti – ka rwai ka siaw. O man u uwi na ki nongsneiñ nongpynioo na ki 3(Le) Ngut ki waheh heiwa ka Khynroo khyllood Committee ka Seiñraij Jowai da ye ko u pynmih ia ka Kot Niamtre Ka Bei Seiñraij 1991 wa 1992. Man u, u Nongthoh Sur uwa nep jabeiñ heiwa ki kyntien sur iong o chat ki ia ki jingmut kiwa jngai. Man u u nongtem Harmony u pliah wei em u ka sap choh bom wa i rukom choh bom iong o pher i, wei tip boon rukom. Man haroh u u Nongthoh Drama uwa pnah.

Chiboon ki kam iong o ha ka imlang sahlang iong i, ym ye de wow niawliar.

Han lada i r’ta iong o man i iwa da ih bha, iwa da ioh u ia katea ka r’ta wa chong prah chong chang wa par kyrsu khawah. Kam ki khon ka loompyrdi Iongpiah wan sniaw iwa i dooh noh noh i ia o, pynthylli ko ia i mynsien iong uwi pa uwi kawi pa kawi ki khon ka dong. Han kattea i leh, kam ki bru hap wan i u chaniah hei bor wa stad u Kynrad. Lai Suk Woh Chaimon.

Ka Loompyrdi Iongpiah phah ko ia kani ka khubor ud ka khubor nam cha kiwa ha iung ha sem iong o nadooh ki pyrsa ki ksu kur hadooh ki khon ki ksu iong o.

Wh R. L Bimee Suwer
General Secretary
Loompyrdi Iongpiah.