Khlad uwei u dkhot KSU haka jingshah thombor ha ki bar jylla ha Ichamati

Syllad | The Rising MeghalayaFebruary 28, 2020

Ha ka jingjia kaba sngewshyrkhei, ki samla pule jong ka seng Khasi Students Union (KSU) ki la shah hiar thma ha ki bar jylla ha shnong Ichamati hapoh Shella Police Station, East Khasi Hills District mynta ka sngi bad uwei na ki dkhot jong ka KSU u Lurshai Hynñiewta ula khlad noh naka jingmynsaw jur.

Kane ka la jia hadien ka jingialang pyrshah CAA bad jingdawa Inner Line Permit bala pynlong da ka seng KSU.

Ki bar jylla da ki phew ngut ryngkat bad ki tiar mynsaw ki la bom naphang ia ki samla pule ksu bad ngut ki la ia mynsaw bad pynjulor ruh ïaki kali ki motor ha katei ka shnong.

U president jong ka KSU Ichamati ruh u la shah ktah kti ha kitei ki dkhar kiba suba jur ba ki dei ki bar jylla, kiba kwah ban buhai shnong beaiñ ha katei ka thain.

Kitei ki bar jylla kim shym la map ia wat u Sordar jong ka Ichamati bad ki la hiar thma wat ia u ruh. Ki pulit ruh ki la mynsaw na ka daw katei ka jinghiar thma ki dkhar.