Khlem ing ka Bible ha ka jingpluh ding kaba la bamduh ia artylli ki iing ha Mawlai Mawiong

Syllad | The Rising MeghalayaApril 17, 2024

Artylli ki iing ki la shah pynjulor noh ha ka jingpluh ding kaba triem kaba la jia haka 16 tarik Iaiong, ha ka shnong Mawlai Mawiong, Shillong, hynrei ka long kaba phylla shibun namar watla kane ka jingjia ka dei kaba triem hynrei ka Kot Bakhuid ne ka Bible kam shym la ing satia.

Kine ki artylli ki iing kiba la ngat ha kane ka apot ki dei ki jong ka Kong Twintina Nongneng bad ka Kong Risuk Wanshong, bad la ong ba kane ka jingjia ka la jia ha ka por kumba 8 baje mynstep, ong ka khubor pulit.

Na ka liang ki bor pulit ki la pynlong ia ka jingtohkit kaba bniah ban lapdien ia ka daw jong ka jingpluh ding. Na ka liang ki trai iing ki la suba jur ba kane ka jingpluh ding ka lah ban dei na ka daw jong ka jingthut ha ka bording ilektrik na ka meter box.

La ong ba watla kane ka ding kaba klang ka la bamduh ia ki jingdon jingem baroh, hynrei ka long kaba sngew phylla shibun ba ka kot Bible kam shym la shah ktah satia ha kane ka jingjia.

Ha kaba iadei bad kane ka jingjia na ka liang ki bor pyniaid shnong ki la kyntu jur ia ka sorkar ba kan ai ia ki lad jingiarap na ka bynta kine ki longiing kiba la mad ia kane ka jingjia ba sngewsih.