Khlem pyntip sha kiba thep kam la dep khot written test ka Kiang Nangbah Govt College

Syllad | The Rising MeghalayaJuly 28, 2021

Ka Kiang Nangbah Government College (KNGC) kaba khot thep kam naka bynta ka post Accountant ha kane ka kolej haka dur jong ka contract, kala dep khot iaka jingiakhun written test, katba ki nongthep kam pat kim shym la ioh jingtip satia.

Katkum ka jingpynbna ka KNGC (kaba khlem tarik bad kaba don tang ka jingsoi ka principal) la kdew ba tarik ba khatduh ban pynpoi iaki aplikeshon kalong 6 tarik u Naitung 2021 bad iaka tarik jong ka written test bad interview la ong ba yn sa pyntip.

Pynban kaba lyngngoh pat ki nongthep kam kila kynnoh ba kane ka kolej khlem kano kano ka jingpyntip sha ki nongthep ia katei kam, kala dep khot iaka written test haka 27/7/2021.

Na kaliang ki nongthep kam kila pynrem ki bor pynïaid jong ka kolej halor kane ka jinglehbymsuidñiew iaki nongthep kam kiba la ialeh shitom ban thep iaki phorm ban iakhun ia katei ka kam.