Khlem seisoh ka jingleit dawa C&RD Block Namdong

Syllad | The Rising MeghalayaJanuary 11, 2021

Mynta ka sngi u MDC ka 10 Mynsngat Khanduli constituency, u Dawan Lyngdoh ryngkat bad ki nongkitkam jong ka raij Namdong naduh u waheh raij ma Elias Susngi, u Secretary Raij Namdong I Pakma bad kiwei ki la leit ban pynkynmaw biang ia u Myntri ka tnad C&RD u Bah Hamletson Dohling halor ka jingdawa ban pynkha iaka C&RD Block iaka Namdong.

Kane ka jingdawa pynkha C&RD Block kadei kaba la sdang naduh u snem 2013 kaba na kaliang ka shnong kala ai sngewbha ruh iaka jaka ban tei iaka ophis haka jaka kaba heh 18.48 acres bad la dep ruh ban soi iaka soskular bad ka bor synshar district ka West Jaintia Hills.

Halor kane na ka liang U Bah Hamletson Dohling, u la ong ba ym lah ban kular halor kane hynrei un buddien halor kane ka jingdawa block ka Namdong.