Khot application ka ophis u General Manager DCIC Jowai iaki samla kynthei bad shynrang sha ka jinghikai, yn ai stipend ia kiba shah jied

Syllad | The Rising MeghalayaJune 12, 2024

Ka ophis u General Manager District Commerce & Industries Centre West Jaintia Hills District, Jowai kala khot application ia ki samla kynthei bad shynrang kiba la 18 snem shaneng na ka bynta ban ioh jinghikai/jingtip khlem ka jingsiew na ka bynta ki kam kiba bunjait naduh ka marketing, food processing, makeup (hair), handicraft, electrical appliances, film making, hotel industry bad kiwei kiwei.

Ia ka application form lah ban ioh na ka ophis District Commerce & Industries Centre West Jaintia Hills District, Jowai ha kino kino ki sngi long trei naduh ka 12th June, 2024 na ka bynta u snem 2024-25.

Ki kot ki sla ba donkam ban submit lang bad ki application form ki long kumne harum:

1. EPIC/Aadhar/Udyam Registration/Ration Card.
2. Bank Details (Passbook 1st page photocopy).
3. Passport Photo (2Nos).

• Yn ai stipend ruh ia kiba shah jied ban ioh jinghikai/jingtip ban leit ia kitei ki kam ba la kdew haneng.
• Yn nym don TA/DA ha ka por ba wan submit ia ki application form.
• Ka Selection Committee kan jied ia ki ban shah hikai.
• la ki jingtip ba kham bniah phi lah ban ioh na ka ophis jong uba soi harum.

Ka dur harum ka advertisement kaba pura: