Khot iakren ka synjuk pynmih dewbilat iaka JHTOA

Syllad | The Rising MeghalayaOctober 21, 2021

Ka synjuk ki karkhana pynmih dewbilat, ka Jaintia Hills Cement Manufacturing Association (JHCMA) kala khot iakren iaka Jaintia Hills Truck Owners’ Association (JHTOA) kaba la rai ban iakhih halor ban pynthymmai iaka bai kit bai bah cement bad ban dawa pynneh iaka jaka buh cement ha Byrnihat, kaba la pynkynriah sha Assam.

U Publicity Secretary JHTOA, Nehemayah Tyngkan ula ong ba na kaliang ka synjuk ki karkhana pynmih dewbilat kala khot iakren iaka JHTOA haka 25 tarik une u bnai bad kane ka jingialang kan long ha Byndihati ha Thomas Nongtdu Complex, East jaintia Hills District.

Ula ong ba halor kane ka jingkhot iakren ka JHCMA ka JHTOA kala rai ban sangeh ban iakhih (strike) kaba la rai ban sdang hadien ka 20 tarik une bnai bad yn ap ia kaei ka rai kaba mih na katei ka jingialang.