Khot iashimbynta haka Republic Day Run ha Jowai

Syllad | The Rising MeghalayaJanuary 18, 2024

Ka ophis u Deputy Commissioner, West Jaintia Hills District ryngkat ka jingiatreilang ka ophis u District Sports Officer, West Jaintia Hills District, Jowai kan pynlong iaka Republic Day Run 2024 na ka bynta ki shynrang bad kynthei (Open category).

Ka jingmareh kan sdang na khyrdop Kiang Nangbah Stadium bad iaid lyngba ka Ladthadlaboh Main Road, Jowai Public School, Gate Polytechnic, Kshaid Rymphum, Salaroh, Dulong Poh-hali Road, Dulong Pamhadem, Panaliar, Iongpiah, Mission Compound, H. K. Singh School, D.C Office, New Hill, National Highway bad pynkut ha Kiang Nangbah Indoor Stadium.

Kane ka jingmareh kan long haka 26 tarik Kyllalyngkot naduh ka por 6:00 baje mynstep bad ka jingshim kyrteng ne Registration iaki nongiashim bynta kan long Kiang Nangbah Indoor Stadium, Jowai naduh ka por 5:30 baje mynstep.

Ka ophis u District Sports Officer, West Jaintia Hills District, Jowai ka khot ka wer ia baroh ki shynrang bad kynthei jong ka District West Jaintia Hills ban iashim bynta ha kane ka jingiakop mareh.

Yn sam khusnam da ka song pisa bad ka Memento sha baroh ki nongjop.