Khot jingialang ka JAC ban shim da kiwei ki rai pyrshah iaki kharkhana dewbilat

Syllad | The Rising MeghalayaNovember 9, 2020

Ka Joint Action Committee (JAC) kaba kynthup ïaka Jaintia Hills Truck Owner Association (JHTOA), All Jaintia Hills Clinkers and Cement Transporter Association (AJCCTA), Meghalaya Truck Union (MTU) kala khot da ka jingialang paidbah haka 10 tarik une u bnai haka por 2.00 baje janmiet ha Tahkhniang Tuber Kmaishnong.

Ka JAC kala ong ba kane ka jingialang kalong hadien ba ki kharkhana dewbilat kim shym la pyntreikam satia iaka bai kit mar thymmai kaba la pynbna ka sorkar jylla katkum ka jingpynbna haka 25 tarik u Nailur 2020. Ha kane ka jingialang yn shim iaki kiwei pat ki rai bad la khot la wer ia baroh ki trai trok bad nongniah trok ban wan sha kane ka jingialang.

Ha kajuh ka por ka JAC kala kyntu ïaki trai kali ban pynrung kyrteng hapoh ka shatri jong ka JAC khnang ba ki jingthmu kin long kiba iaid beit iaid ryntih.