Khot jingialang ka synjuk ki Contractor bad Supplier ha Jowai

Syllad | The Rising MeghalayaJuly 20, 2024

Ka synjuk ki Contractor bad Supplier – ka All Jaiñtia Contractor & Supplier Association (AJ C&SA) ka khot ka wer ia baroh ki Contractor bad Supplier jong ka Rilum Jaintia, kata East Jaintia Hills bad West Jaintia Hills sha ka General Meeting ka ban long ha ka 26/07/2024 ha District Library , Mynthong Jowai ha ka por 11:00 AM.

U publicity secretary AJC&SA u Bah Shanbor Lamare, ula pyntip ba ha kane ka General Meeting, kan don ka jingpynshai paidbah halor ka GST, ki nongtrei (labour), bad kiwei kiwei ki jingeh bapher bapher ba ki Contractor bad Supplier ki iakynduh da ki riewshemphang. Nalorkata, kan don ruh ka jingiakren sani ban pynjem ia ki jingeh jong ki Contractor bad ki Supplier.

Ha kane ka sngi ki nongïalam na ka All Meghalaya Contractor and Supplier Association (AMC&SA) Shillong ban iasyllok bad ki Contractor bad Supplier ka Rilum Jaintia.

Kumta da ka mynsiem ba iatylli khlem da khein ia ki jingiapher sain pyrthei ne ki jingiasoh, ngi kyntu ia baroh ban wan sha kane ka General Meeting na ka bynta ka jingbha lang bad ka jingmyntoi jong baroh, la pynpaw u Bah Shanbor.