Khot jingialang ka WJSU iaki principal bad headmaster ban iathir halor ka exam scholarship

Syllad | The Rising MeghalayaSeptember 12, 2024

Ka War Jaintia Student’s Union (WJSU) kala khot wer iaki Principal, Headmaster, Headteacher bad Headmistress jong baroh ki LP School bad UP School jong ka thain War Jaintia ban wan sha ka jingialang ka ban long haka 14 tarik Nailur ha Riwar Jaintia Church of God School, Ladjaplem ban pynkhreh iaka eksam First War Jaintia Scholarship Examination 2024.

Kane ka scholarship ka dei kaba la rai ban ai da ka War Jaintia Stuidents’ Union (WJSU) sha ki khynnah skul ka thain ban pynshlur bad ai mynsiem iaki haka pule ka puthi.

Kumta ka jingkhot ia kane ka jingialang ka long na ka bynta ban iathir sani halor ka jingpynkhreh na ka bynta ka eksamin scholarship ka buh tarik bym pat thikna bha ha u bnai Naiwieng mynta u snem.

U Education Secretary WJSU, A Sumer ula ong ruh ba ha kane ka jingialang yn iakren halor kumno ban pyniaid shakhmat ia kane ka scholarship bad ki bynta ban pyndep da ki skul nalor kiwei kiwei ban iaid beit iaid ryntih ki jingthmu ba bha jong ka seng.