Khot jingialang kyrkieh ka CCIB halor ka jingai NOC sop sop ka JHADC

Syllad | The Rising MeghalayaOctober 19, 2021

Ka Co-Ordination Committee on International Borders (CCIB) kala khot iaka jingialang kyrkieh lashai ka sngi 20 tarik Risaw halor ka jingkynnoh ai NOC sop sop ka Jaintia Hills Autonomous District Council (JHADC) ban ker sainar shiah.

U Ma Kmen Myrchiang, general secretary CCIB ula ong ba kane ka jingialang kanlong haka por 11 am ha Enowell Hall Amlarem.

Ula khot la wer ia baroh ki dkhot jong ka CCIB ban wan sha katei ka jingialang kumjuh la wer ia ki trai jaka trai bri khnang ban iaid beit iaid ryntih ka jingialang. La kyrpad ruh iaki waheh shnong ka War Jaintia ban pyrta shnong ban pyntip iaki trai bri trai jaka ban wan sha kane ka jingialang.

Ki mat ba ka CCIB kan iakren ka dei halor ka jingpynbor ka sorkar iaki trai jaka ban ker sainar shiah ne border fencing, ka jubab RTI halor ka NOC ka JHADC bad kiwei kiwei ki mat.