Khot jingialang paidbah ka JSU halor ka jingsah kut ki ñiut ha Jowai

Syllad | The Rising MeghalayaApril 20, 2022

Ka Jaintia Students’ Union (JSU) kala rai ban khot da ka jingialang paidbah haka 22 tarik April 2022 haka por 11 baje mynstep ha khmat DC Office halor ka jingsah kut ki ñiut mynta la ar bnai tam ha Iawmusiang, Iawthymme Ladthalaboh, Jowai.

Ka JSU kala rai ban khot iaka jingialangh ban shim iaka sur u paidbah bad ban dawa ruh na ka sorkar ban kit mardor iaki ñiut kiba la lumthup ha Iawmusiang, Iawthymme.

Ka JSU kala ong ba kam lah shah shuh ban shu sngap jar ban shu peit kai iaka ka jinglong jingman ka Iew Iawmusiang nkaba la ijli bad saitmet ban met na ka jinglum thup ki ñiut hadien bala phiel ka Jowai Municipal Board bad JHADC ban lum iaki ñiut kiba mih naki iew ki hat bad ki iing briew.

Ka JSU ka khot ka wer ia baroh ki nongshong iew bad ki paidbah ba kin wan lang sha kane ka jingialang paitbah ha khmat DC office khnang ba ka jingthmu kan long kaba iaid beit iaid ryntih