Khot jingïalang u DC East Jaiñtia ban pynim biang ïaka Wah Lukha

Syllad | The Rising MeghalayaNovember 13, 2019

KHLIEHRIAT: U Deputy Commissioner, East Jaiñtia Hills District u Bah FM Dopth  ula khot jingïalang na ka bynta ban pynim biang iaka Wah Lukha, Wah Lunar haka kamra treikam jong u lashai ka sngi 14 tarik u Naiwieng haka por 11 baje.

Ha kane ka jingïalang la khot ïa baroh kiba don bynta naduh ki magistor, ki JHADC, ka tnad Mining, ka MSPCB bad kiwei kiwei ki tnad sorkar. Nalor la kata la khot ruh ïaka 6 Shnong Wah Lukha Association, kawei na ki synjuk kaba la iakhun ban pynneh pynsah iaka Wah Lukha.

Kane ka jingthmu ban pynimm biang ïaki kiba jakhlia ka dei kaba la tip kum ka River Rejuvenation Committee kaba la thaw da ka sorkar jylla. Ka thong jong ka sorkar jylla kadie ban pynkhuid bad pynim ïaka Wah Umkhrah ha Sor Shillong bad ka Myntdu bad ka Lukha ha Rilum Jaiñtia.

Dangshen u DC East Jaiñtia Hills District ula khot hajir ïaka 6 Shnong Wah Lukha Association hadien ba kila ieng pyrshah ïaka Public Hearing ban pynheh iaka par mawshun jong ka star cement haka 19 tarik u Risaw.

Ka 6 Shnong Wah Lukha Association ha khmat u DC East Jaintia Hills kila kynthoh ba ki kharkhana ha Narpuh kim shym la bud ïaki kyndon aiñ ïada mariang bad ki khlem eiei ban pynkhuid ïak Wah Lukha bad kim la buh ïaki treatment plant ha ki kharkhana bad baroh ka jakhlia kala shu tuid sha wah.

Kane ka synjuk ka dawa ba baroh ki kharkhana ki dei ban don bynta ban pynkhuid iaki wah ha Narpuh khamtam ka wah Lukha kaba shah ktah n aka jingwan ki kharkhana dewbilat.