Khot ka Dorbar Shnong Tympang Iawmusiang ia u paidkar ban pynneh iaka khuid ka suba ka Jowai

Syllad | The Rising MeghalayaApril 28, 2022

Ka Dorbar Shnong Tympang Iawmusiang hynne ka step kala mih shakhmat ban khot wer ia baroh u nongdie jingdie ha surok ne haki basa iew kumjuh ia u paidkar salonsar ban pynneh iaka khuid ka suba ka iew Jowai, ka Iawmusiang.

Ki nongialam bad ki dkhot shnong ka Dorbar Shnong Tympang Iawmusiang naduh u secretary Heisar Laloo, Edel Dkhar, Khroo Lamsalangki Pariat, Rupaia Lamar, T Passah bad kiwei kiwei ki riew rangbah ka shnong ryngkat bad ki longkmie kila mih paidbah ban leit ha manla ki jaka ban long pdeng haki jaka iew ban khot wer iaki paidbah bad ki nongdie jingdie ban pynneh iaka khuid ka suba bad ban nym bret pathar iaki ñiut kat shaba lap ba shem.

“Baroh ki nongdie jingdie ki dei ban rah shuwa iaki ñiut kiba pynmih sha la iing bad ban pyniakhlad iaki ba pyut bad bym pyut, tad haduh ba ka Jowai Municipal Board ne ka sorkar kan pynioh iaka jaka bret ñiut kaba paka,” la ong u ma Rupaia Lamar.

Ula ong “Phi la ioh iaka jingkhuid jong ka shnong ka thaw ha kine ki 36 kynta kiba la khangdam ka dorbar shnong bad ngi sngewnguh shikatdei eh iaka jingiatreilang jong phi bad ngi ngeitskhem ba phi iai treilang ban pynlong ia kane ka shnong ne ka Iawmusiang ka pliang ja kaba khuid kaba suba,” la ong u ma Lamar.

U Ma Khroo ula ong ba “Da ka jingiatreilang ngin lah ban pynlong iaka shnong ka thaw, kumta nga khot ia phi ban rah iaki ñiut bad pyniakhlad iaki ba pyut bad ki bym pyut namar ba ka jinglumthup iaki ñiut ha iew Iawmusiang kan wanrah iaka jingsma iwtung bad pynthud iaka iaieng jong ba baroh, kumta ban iada iaka mariang bad ban lait na ka jingpang to shim halade iaka jingkitkitkhlieh tad haduh ba ka sorkar kan wan ban pynjem ia kane ka jingeh.”