Khot ka tnad shipai Indian Air Force sha ka jingpynrung kam shipai

Syllad | The Rising MeghalayaJuly 20, 2023

Ka  No. 11 Airmen Selection Centre, Guwahati, kaba dei ka nodal agency jong ka tnat shipai Indian Air Force kaba pynlong ia ka jingpynrung kam shipai ha ki jylla ka thain North East, kata hapoh Assam, Meghalaya,  Arunachal Pradesh, Nagaland, Mizoram, Manipur bad Tripura da kane ka pyntip ba ka tnat shipai Indian Air Force ka khot aplikeshon lyngba ka online ia ki samla shynrang bad kynthei ki bym pat iathoh shongkurim bad kiba la kha hapdeng ka 27 tarik Jylliew 2003 bad 27 tarik Nohprah 2006 na ka bynta ka selection test ban ioh rung sha ka kam shipai Agniveervayu kaba hap hapoh jong ka Agnipath Scheme.

Ka jingleh ia ka rejistration kan sdang naduh ka 27 tarik mynta u bnai haduh ka 17 tarik u Nailar 2023, katba ka jingpynlong ia ka online exam kan sdang naduh ka 13 tarik u Risaw 2023 ter ter.

Ia ki jingtip kiba kham bniah ha kaba iadei bad ki kyrdan pule, medical standards bad ia kiwei pat ki kyndon kumjuh ka jingbthah ban pyndap ia ka online aplikeshon bad rejistration ki lah ban leit lyngba ka website https://agnipathvayu.cdac.in