Khot ka VPP ban boycott ia ka rai pynkhuid Shnong ka Sorkar Pdeng ha ka sngi U Blei

Syllad | The Rising MeghalayaSeptember 29, 2023

Ka seng Voice of the People Party (VPP) haka sngi Thohdieng ka la pynrem jur ia ka ia ka jingshim rai ka Sorkar Pdeng ban khot pynlong da ka jingpynkhuid shnong ha ka sngi U Blei, kata ha ka 1 tarik Risaw 2023, bad kyntu ruh ia baroh ki paid Khristan ban boycott ne ban ym iashim bynta ha kane ka prokram.

“Kane ka jingshim rai jong ka sorkar ka long beit beit ban ym khein burom ia ka jingsngew jong ki paid riewngeit Khristan hapoh ka ri,” ong u General Secretary ka VPP u Dr Ricky AJ Syngkon.

Kumta u la ong ba na ka liang ka party ka kyrpad ia baroh ki paid Khristan ka jylla ba kin boycot ia kane ka prokram bad ban ym leit iashim bynta ha ki kam pynkhuid shnong ha katei ka sngi ba la kdew.              

Katkum ka jingsngew ka jong u ia kane ka jingpynkhuid shnong kumba ju long barabor la ju pynlong ha ka 2 tarik u bnai Risaw man la ka snem kum shibynta ban rakhe kynmaw burom ia ka lyngkhuh sngikha u Mahatma Gandhi.