Khot ka WJDSA iaki nongialehkai athletic sha ka trial camp

Syllad | The Rising MeghalayaOctober 5, 2024

Ka West Jaintia District Sports Association (WJDSA) kala pynbna ba kan pynlong iaka Trail Camp na ka bynta ban ioh jied iaki rang bad thei ialehkai athletic ban mihkhmat iaka District sha ka Meghalaya Games 2025.

Kane ka trial camp kan sdang naduh ka 26 tarik Risaw haka por 8.00 baje mynstep ha madan Kiang Nangbah Stadium Ladthadlaboh, Jowai.

Ka rta ban pdiang ha kane ka trial kalong 16 snem shaneng bad 23 snem shapoh. Ban pynshisha baroh ki nongialehkai ki donkam ban wanrah ryngkat bad Aadhaar Card bad ka Original Birth Certificate.

Ki jait jingialehkai ki kynthup naduh 100mtr, 200mtrs, 400mtrs, 800mtrs, 1500mtrs, 3000mtrs, 5000mtrs, 10,000mtrs, Javelin Throw, Discus Throw, Shot put, Long jump bad High jump.

Ka WJDSA ka khot ka wer iaki rang bad thei ialehkai ka District kiba don ka sap ha kine ki jait jingialehkai ba kin wan iashim bynta ha kane ka Trial Camp.

Iaki jingtip kiba bniah lah ban phone ha kine ki number 9856109222/ 9862274201