Khot pyniasoh ka JHADC Pensioners Association

Syllad | The Rising MeghalayaApril 8, 2021

Ka Jaintia Hills Autonomous District Council (JHADC) Pensioners Association kaba peit iaka bha ka miat jong ki pensioner kala khot kala wer ia baroh kiba ioh bai bam tymmen na ka JHADC ban iasoh ne pyrung kyrteng ialade bad ka synjuk.

Ka synjuk kala rai ban khot lang ia baroh ki pensioner ka JHADC ban rung dkhot ka dei hadien ka jingialang kaba long haka 27 tarik u Lber (March) ha District Library Auditorium, Jowai. Kane ka jingialang ka dei kaba nyngkong eh bad la wan ban iashimbynta da phew ngut ki nongbam pension. Ia ka jingialang la pyniaid u Ma Livingstone Rymbai President.

U Ma Bylon Khyriem General Secretary, ula iathuh iaka jingiaid lynti ka synjuk bad iaka jingmut bad jingthmu ka Association la batai da u Ma Jespar Khyriem Adviser.