Khot pynlong Run for Democracy ka ophis SDO Civil Amlarem

Syllad | The Rising MeghalayaJanuary 19, 2024

Kum shibynta ka jingrakhe iaka 14th National Voter’s Day, ka ophis u Sub-Divisional Officer (Election) Amlarem Sub-Division kan pynlong iaka jingiakop ‘Run for Democracy’ haka 24 tarik Kyllalyngkot haka por 6.00 baje mynstep.

Ki nongiashim bynta kindei tang ki nongshong Shnong bad nongthep vote hapoh ka 7-Amlarem (ST) Assembly Constituency.

Kane ka jingiakop kadei na ka bynta ka kyrdan Junior bad Senior shynrang bad kynthei bad yn shah tang 70 ngut ki nongiashim bynta bad yn pdiang ruh ia kiba wan ai kyrteng nyngkong.

Ka jingmareh kan sdang na khyrdop ka ophis u SDO (civil) shaduh Ladjaplem bad pynkut biang ha khyrdop ka ophis SDO (civil) Amlarem.

Na ka bynta ki Sub Junior, kata Under-14, ka jingmareh kan naduh na khyrdop ka ophis SDO haduh ka ophis u BDO, Amlarem bad rwiang biang ha ophis u SDO (Civil) Amlarem.

Hadien ka jingiakop yn sam khusnam da ka song pisa sha baroh ki nongjop.