Khot pynrung khynnah ka SAI ha ki 6 jait ki jingialehkai

Syllad | The Rising MeghalayaFebruary 7, 2024

Ka Sports Authority of India (SAI), Training Centre kan pynrung ïa ki khynnah ïalehkai ha ki hynriew tylli jingïalehkai kiba kynthup ïa ka Archery, Athletic, Boxing, Judo, Karate bad ka Football, mynta u bnai ha katei ka shlem ai jinghkai kaba don ha NEHU, Shillong naduh ka por 8 baje mynstep.

Ïa ka Archery (Residential scheme for boys only & Non Residential Scheme for both boys & girls), Athletic (Residential scheme for both boys & girls), Boxing (Residential scheme for both boys & girls) yn pynlong ha ka 14 bad 15 tarik mynta u bnai naduh ka por 8 baje mynstep.

Na ka bynta ka Football (Residential & Non Residential Scheme for boys) kan long ha ka 16 bad 17 tarik. Ïa ka Karate (Residential Scheme for both boys & girls) bad ka Judo (Residential scheme for both boys & girls) yn pynlong ha 27 bad 28 tarik.

Ka rta jong ki khynnah kan dei naduh 12 haduh 18 snem, ka football 15-18 snem ka rta.

Kat kum ka kyrwoh ba la pyllait da katei ka shlem ai jinghikai la ong ba ka jingjied ïa ki nongïalehkai kan long kat kum ka jingtbit ha ki kam ïalehkai bad ki dei ban long kiba la ju ïashim bynta ha ki lympung ïalehkai ha ki Inter National, National, State & District Level.