Khot pyrshang ka Hills United Cricket Club iaki khynnah U-14 & U-19 ha Jowai

Syllad | The Rising MeghalayaJanuary 28, 2021

Ka Hills United Cricket Club, ka club kaba dang shu seng thymmai kan pynlong ia ka Selection Trail ne ka jingpyrshang ban ioh jied iaki khynnah kiba tbit haka ialehkai Cricket.

Kane ka jingpyrshang ka dei na ka bynta ki khynnah shynrang haka kyrdan U-14& U-19. Kane ka jingjied khynnah kan long haka 2 tarik u Rymphang (February) 2021 nauh ka por 10 Am ha madan Jrisaleiñ, Chutwakhu Jowai.

Ka jingthmu ban jied iaki khynnah ka long ban ioh iashim bynta ha ka Tournament ka ban pynlong da ka All Jaiñtia Cricket Association ha u bnai February 2021. La kyrpad ia ki nongialehkai ban wanrah ia ka Birth Certificate ba ioh na Municipal/CHC/PHC/Block bad ki nongialehkai ki dei ban long ki riewlum Khasi / Pnar bad Garo.

Ki nongialehkai ki dei ban wan da ki jaiñ ialehkai, ym don TA/DA bad refreshment. Ia ki jingtip ba khambniah lah ban ioh na u Yoomi Patweth (Coach) ha u nomber 9366938122.