Khot pyrung kyrteng ka AJPTA ia baroh ki nongdie syiar ha Rilum Jaiñtia

Syllad | The Rising MeghalayaSeptember 7, 2020

Ka All Jaintia Poultry Trader Association (AJPTA), ka synjuk jong ki nong die syiar lane khaïi syair napoh rilum Jaiñtia kaba la dep ithuh (recognize) lane (registered) bad ka sorkar kala pynlong iaka jingialang ba kyrkieh ha kine ki taiew bala dep ban iatai sani bha halor ki jingeh ba iakynduh ki nongdie wholesale (die lang) iaki syiar broiler bad syiar layer naka por shaka por.

Ha kane ka jingiakynduh lang naka liang ka AJPTA da kawei ka sur la rai bad iaid katkum ka riti treikam (constitution) jong ka association bad kala rai ban khot affiliate (iasoh) noh ia baroh ki nong die syiar wholesale broiler, layer bad kroiler kiba hap hapoh u pud u sam jong ka Rilum Jaintia baroh kawei hapoh ka lama jong ka AJPTA.

“Ka jingthmu ba ban khot pynrung kyrteng ne iasoh ia ki nongdie syiar kalong ban tehlakam iaka jingrung klumar ki syiar napoh Assam sha ki district jong ngi khlem ka jingtip ka association. Kawei pat ka daw ka dei ban khanglad ia ki briew kiba na Assam ba wan die khutia lane kiba wan die wholesale sha ka thain jong ngi kaba wanrah ka jing duhnong kaba khraw iaki trai jylla bad pynklumar iaka iew iadie iathied syiar khamtam haka dor ka mur hapoh ki district,” la ong u secretary AJPTA u ma Kyrshan Rymbai.

Ula ong ruh ba ha kaba iadei bad ka jingdie wholesaler ka AJPTA ka shah tang ia ki briew kiba la dep iasoh bad ka synjuk ban wanrah syiar na Assam hapoh ka district khnang ban lah ban tehlakam iaki bar jylla kiba wan die wholesale ban iabit iabiang lang baroh kji nongdie bad nongkhaii syiar trai jylla.

U Ma Kyrshan ula ong ba baroh ki nongdie syiar ki dei ban pynrung kyrteng hapoh ka synjuk ha lane shuwa ka 30 tarik u September (Nailur 2020) lane phone ha une u nomber 6909537140 (Kyrshan Rymbai Secretary AJPTA).