Khot sngewbha ka Seiñraij Ialong ia baroh ban wan sakhi iaka Behdieñkhlam

Syllad | The Rising MeghalayaAugust 5, 2023

Ka Seiñraij Ialong kala pyntip ba kumba ju leh manla u snem kan pynlong iaka lehniam Behdieñkhlam Festival 2023.

U president Seinraij Ialong u ma Pyrkhat Shylla ula iathuh ba ka jinglehniam kala sdang naduh ka 2 tarik une u bnai Nailar bad yn pynkut pat iaka lehniam Behdieñkhlam haka 10 tarik Nailar ha Tre-Pyrda haka shnong Ialong.

U kongsan ban wan sakhi iaka lehniam Behdieñkhlam u dei u Myntri Rangbah ka Jylla u Conrad K Sangma kynthup ia u Deputy Chief Minister u ma Sniawbhalang Dhar bad u MLA ka Umroi ma Damanbait Lamare, u MLA Jowai ma Wailadmiki Shylla nalor kiwei kiwei.

Na kaliang ka Seinraij Ialong ka khot wer ia baroh ki khun ka Hynniewtrep Hyniewskum ba wan sakhi ia kane ka jinglehniam Behdieñkhlam khnang ba kan long kaba phuh kaba phieng.

Ka Behdieñkhlam Ialong kadei kawei na ki 6 tylli ki lehniam Behdieñkhlam kaba pynlong ha Rilum Jaintia. Kaba nyngkong eh ka raij kaba pyndep iaka Behdieñkhlam, ka dei ka Raij Chyrmang, bud saka Jowai, Tuber, Muthlong, Ialong bad kaba khatduh eh ka dei kaba raij Mukhla. Ha Ialong ki don lai tylli ki shnong kiba hap hapoh ka Seinraij Ialong bad kine ki kynthup iaka Ialong, Wahiajer bad ka Nongkhyllep.