Khot thep aplikeshon ban die Khaw rashon bad Umphniang sharak ha Amlarem

Syllad | The Rising MeghalayaNovember 8, 2021

Ka ophis u SDO (Supply), Amlarem Sub-Division kala pynbna paidbah ba kam die Khaw rashon (FPS Dealers) bad die Umphniang Sharak (SK Oil Retailers) kan kut noh ha ka 31.12.2021. Kumta ha ka juh ka por ruh ula khot application biang na ka bynta u snem 2022, kat kum kine ki jingbthah harum:

Ia u/ka Nongdie Khaw rashon (FPS Dealer) bad Nongdie Umphniang Sharak (SK Oil Retailer) dei ban khot Application da kaba pynbna paidbah ha ki shnong ki shnong jong phi.

U/Ka FPS Dealer bad SK Oil Retailer ki dei ban long kiba la jied bad rai da ka Dorbar Shnong lyngba ka Executive Committee Shnong ryngkat bad ka jingmynjur lang ka ban soi kyrteng da ki khlieh jong kawei pa kawei ka thliew iing ha kum kane ka por ba saphriang u khniang khlam COVID (19) da kaba bud ia ki kyndon ba buh ka tnad koit ka khiah bad ki kyndon ba buh ka Sorkar Jylla hi baroh kawei.

Kiba Apply ki dei ban long ki riew shimet (Individual) nongtrei mon sngewbha ha ki shnong ki shnong (SHG) bad Cooperative Society.

Hadien ba la ioh ka jingmynjur na u paidbah ka shnong ryngkat bad ka Executive Committee Shnong, ia ki Application dei ban pynskhem da U Waheh Shnong bad Secretary Shnong.

Ki dei ruh ban suh lang ia ki dur jong ki 2 tylli, ka EPIC, ka Residential Certificate, Schedule Tribes (ST) Certificate bad ban da tah da ka Court Fee Stamp kaba T.25 ha khlieh jong ka Application ryngkat ka list jong ka Vigilance Committee na ka bynta u snem 2021 ia kaba la jied da ka Dorbar Shnong lyngba ka  Executive Committee.

Kino kino ki Dealers khaw bad Retailers Umphniang Sharak kiba rim ruh ki lah ban Pynthymmai (Renew) kiba la jied bad rai da ka dorbar shnong bad ka jingmynjur u nongshong shnong.

Baroh ki FPS Dealers/S.K. Oil Retailers ki dei ban bud ryntih ia ki Guidelines ba la buh da ka Sorkar na ka bynta ki FPS Dealers/S.K. Oil Retailers.

Baroh ki nongsam khaw/umphniang sharak ki dei ban don ia u Aadhaar Number bad ruh ban pyndonkam da ka kor e – POS. Ki  FPS Dealer ki dei ruh ban iatreilang bad ka ophis ban lum ia ki Aadhaar Number bad Mobile Number jong ki nongbam khaw na ka Skim AAY & PHH (NFSA).

Baroh ki Nongdie Umphniang Sharak hadien ba la dep ai ia ka Appointment Order ki dei ruh ban thep ia ka Challan kaba T.10.00 (Shiphew tyngka) ia uba thymmai (Fresh) bad T.5.00 (San tyngka) ia uba rim (Renew) da ka Treasury Challan kat kum ka Head of Account ia ka ban ai bad kdew da kane ka ophis.

Ia baroh ar ki Application lah ban ioh na ka ophis jong ka SDO (Supply) ha ki sngi bad por long trei, bad ban submit pat hapoh ka 3 tarik Nohprah, 2021 khlem pep. Yn nym pdiang shuh ia kino kino ki application hadien katei ka Tarik ba la buh haneng khlem ki daw kiba shongnia bad kin duh noh ia ki bhah rashon jong ki da ka jingleh bymsuidniew jong ki Dorbar Shnong.