Khot thep kyrteng ban die rashon bad umphniang sharak ha East Jaintia Hills

Syllad | The Rising MeghalayaNovember 3, 2021

U Deputy Commissioner(Supply), East Jaintia Hills District, Khliehriat u la pynbna paidbah ba ka kam die rashon (Fair Price Shop Dealers) bad Umphniang Sharak (SK Oil retailers) ha East Jaintia Hills District na ka bynta u snem 2021 kan kut noh ha ka  31 tarik u December (Nohprah), 2021. Kino kino ki nongshong shnong, ki Societies, ki Self Help Group (SHG) hapoh ka District ki ba kwah ban long Fair Price Shop Dealers na ka bynta u snem 2022 ki lah ban buh ia ki application ha Ophis jong u Deputy Commissioner (Supply), East Jaintia Hills District, Khliehriat.

Ia ki application form ruh lah ban ioh na ka Ophis jong u Deputy Commissioner (Supply), East Jaintia Hills District, Khliehriat. Ki kot ki sla ki ba dei ban suhlang bad ka application ki long ka Court fee Stamp T.14/-, ka rai jong ka Dorbar shnong, ka kyrteng ki dkhot jong ka Vigilance Committee bad ki phone number jong ki, ka Epic Card, ka Bank Account No (Da kaba Xerox ia ka sla kaba shakhmat jong ka passbook kaba pyni ia ki kyrteng Bank Account etc.), ka Dur Passport size 2 tylli, u Mobile Phone number, ka Bank Security Deposit Rs. 5000/-( San Hajar Tyngka) bad u Aadhaar Number. Ki Fair Price Shop(F.P.S) baroh ki dei ban pyntreikam noh ia ka kor kompiwtor electronic point of sale (ePOS) device.

Shuh shuh, ka Dorbar Shnong lane Local Club ki dei ban kit khia bad peit bnaih bha ha ka ba iadei bad ka jingai jingbit ia ki application, bad ban phah ia ki sha ka Ophis u Deputy Commissioner (Supply), East Jaintia Hills District ha lane shwa ka 30 tarik u Naiwieng (November), 2021 khnang ban lait na kano kano ka jingdkoh ha ka ban sam ia ki mar bam mar dih kumjuh ruh ia ka umphniang sharak. Ki Wahehshnong bad ki Secretary shnong kim lah ban long ki dealers. Ki Wahehshnong bad ki Secretary shnong kidei ban da peit thuh bha ia ki nong apply ba ki dei ban long ki ba biang ha ka liang ka pisa ka tyngka, ki ba biang ka jaka buh tiar bad jaka buh umphniang sharak bad ki dei ruh ban long kiba nang ban thoh ban tar.

Ia ki application ki bym biang katkum ki kyndon ba la kdew haneng yn ym lah ban pdiang.