Khot thep kyrteng die rashon ha East Jaintia Hills

Syllad | The Rising MeghalayaSeptember 21, 2021

U Deputy Commissioner (Supply) East Jaintia Hills District, Bah E Kharmalki haka sngi ba ar ula khot thep kyrteng ia kino kino ki briew, ki kynhun ban die rashon (wholesaler) naka bynta u snem 2022.

Ki jaka ban buh iaki wholesaler centre ki kynthup ha Khliehriat (6 tylli), Sutnga (2 tylli), Rymbai (1 iwei), Lumshnong (2 tylli) bad Umkiang (2 tylli).

Ki ba kwah ban aplai ïa kane ka kam ki lah ban ïoh ïa ki aplikeshon Form –I jong ka Meghalaya Foodgrains (PDS) na ka ophis jong u Deputy Commissioner (Supply) ka bad ban submit shuwa ka 15 tarik Risaw 2021 haka por longtrei.

Ki kot ki sla ba donkam ba ki kynthup ïa ka Court Stamp fee Rs.25/-, lai tylli ki dur shiteng, ka Bank guarantee T.1 lak tyngka na ka bynta ki riewlum bad T.2 lak tyngka na ka bynta ki bym dei riewlum kaba hap ban leh haka non judicial stamp ba T.10/-

Donkam ruh ban ïoh jingthoh na ki Rangbah Shnong halor ka jingdon jong ka jaka buh iaki mar, ka dur jong ka jaka buh mar, ka Trading license na ka bynta ki bym dei riewlum, GST/Professional Tax Clearance Certificate/ Certificate of exemption.

Yn jied ban die rashon ia kiba don jingnang jingtip iaki kor ki bor bad ka internet. Katkum kane ka hukum kino kino kiba shah jied ka por ka long haduh 31.12.2022 lane lah ban pynjlan iaka por haduh ka 31.03.2023.