Khot thep kyrteng die rashon ha East Jaintia Hills

Syllad | The Rising MeghalayaSeptember 13, 2022

U Deputy Commissioner(Supply), East Jaintia Hills District, Khliehriat u la pynbna paidbah ba ka kam die rashon (Fair Price Shop Dealers) bad Umphniang Sharak (S.K Oil retailers)  ha East Jaintia Hills District na ka bynta u snem 2022 kan kut noh ha ka  31 tarik u December, 2022.

Kino kino ki nongshong shnong, ki Societies, ki Self Help Group(SHG) jong ka East Jaintia Hills District ki ba kwah ban long Fair Price Shop Dealers na ka bynta u 5 (San) snem (2023, 2024, 2025, 2026  bad 2027)  ki lah ban buh ia ki application jong ki ha ka Office jong u Deputy Commissioner (Supply), East Jaintia Hills District, Khliehriat.

Ia ki application form lah ban ioh na ka Office jong u Deputy Commissioner (Supply), East Jaintia Hills District, Khliehriat. Ki kot ki sla ki ba dei ban suhlang bad ka application ki long ka Court fee Stamp Rs. 25 /-, ka rai jong ka Dorbar shnong, ka kyrteng ki dkhot jong ka Vigilance Committee bad ki phone number jong ki, ka Scheduled Tribe Certificate, ka Epic Card, ka Bank Account No. (Da kaba Xerox ia ka sla kaba shakhmat jong ka passbook kaba pyni ia ki kyrteng Bank Account etc.), ka Dur Passport size 2 tylli, u Mobile Phone number, ka Bank Security Deposit Rs. 5000/-( San Hajar Tyngka) bad u Aadhaar Number. Ki Fair Price Shop(F.P.S) baroh ki dei ban pyntreikam noh ia ka kor kompiwtor electronic point of sale (ePOS) device bad ban buh signboard.

Shuh shuh, ka Dorbar Shnong lane Vigilance Committee ki dei ban kit khia ha ka ban phah ia ki application, bad ban submit ia ki sha ka Office u Deputy Commissioner (Supply), East Jaintia Hills District ha lane shwa ka 30 tarik u September, 2022 khnang ban lait na kano kano ka jingdkoh ha ka ban sam ia ki mar bam mar dih kumjuh ruh ia ka umphniang sharak. Ki Wahehshnong bad ki Secretary shnong kim lah ban long dealers. Ki Wahehshnong bad ki Secretary shnong kidei ban da peit thuh bha ia ki nong apply ba ki dei ban long ki ba biang ha ka liang ka pisa ka tyngka, ki ba biang ka jaka buh tiar bad jaka buh umphniang sharak bad ki dei ruh ban long kiba nang ban thoh ban tar.

Ia ki application ki bym biang katkum ki kyndon ba la kdew haneng yn ym lah ban pdiang.