Khot thep kyrteng kam die rashon ha West Jaiñtia Hills
JOWAI: U Deputy Commissioner (Supply), West Jaintia Hills District, Jowai u la pynbna paidbah ba ka kam die Rashon (FPS Dealer) bad umphniang sharak ( SK Oil Retailers) ha ki jaka sor bad nongkyndong jong ka West Jaintia Hills District na ka bynta u snem 2019 kan kut noh ha ka 31.12.2019.
Kumta ka ophis DC (Supply) ka khot application na ki kino kino ki riewshimet, ki nongtreimon sngewbha lane ki Co-operative Society bad dei ban jied da ki paidbah ha ka Dorbar Shnong, hadien ba la dep mynjur da ka Dorbar Shnong bad pynshisha da u Rangbah Shnong bad u Secretary shnong.
![](https://www.syllad.com/wp-content/uploads/2024/09/JIT-Vacancy-823x1024.avif)
Ki nong apply ki dei ban long kiba nang ban thoh ban tar, kiba nang ban kyntiew kyrteng ha ka Sale register bad ki ba nang ban khein jingkhein ha ka Stock Register bad kiwei.
Ia ki application dei ban tah bad ka Court Stamp fee kaba shongdor Rs. 25/- (arphew san tyngka) ryngkat bad 2(Ar) tylli ki dur passport size bad ka Xerox copy jong ka Bank Account No.(Passbook), Residential Certificate bad EPIC bad ban pynpoi sha ka ophis ha lane shwa ka 20.12.2019.
Ïa ki application ba pynpoi palat ia ka sngi bala buh haneng lane ia ki application bymbiang yn kyntait bad ia ka bhah Ration na ka bynta u bnai Janaury, 2020 yn sam noh da ka FP Shop ba marjan. (ADIPR)
Leave a Reply