Khot thep kyrteng na ka bynta ka khusnam ‘Sardar Patel National Unity Award’

Syllad | The Rising MeghalayaJuly 17, 2024

U Deputy Commissioner ka East Jaintia Hills District lyngba u kyrwoh ba la pyllait haka 16 tarik Naitung u pyntip ba ka jingkhot thep kyrteng /rekomen na ka bynta ka khusnam “Sardar Patel National Unity Award 2024” ka dang iaid shakhmat, bad ka tarik ba khatduh ban phah ia kane kan long ha ka 31 tarik mynta u bnai.

Ia kane ka jingthep kyrteng bad iaka rekomen yn pdiang lyngba ka online lyngba ka portal ka Tnad Kam Pohiing ha ka URL https://awards.gov.in

Na liang ka Sorkar India ka la pynmih ia kane ka khusnam kaba hakhliehduh jong ki riew paidbah ha ka liang ka jingnoh synniang na ka bynta ka jingiatylli bad ka jinglong janai jong ka Ri India ha ka kyrteng jong u Sardar Vallabhbhai Patel.

Kane ka khusnam ka wad ban aijingithuh ia ka jingnoh synniang kiba pawkhmat bad kiba ai mynsiem ban kyntiew ia ka mat jong ka jingiatylli bad ka jinglong janai jong ka Ri bad ban pynskhem ia ka dor jong ka India kaba khlain bad kaba iatylli.

Kumta la kyntu ia baroh ki nongshong shnong khlem da pyniapher ia ka jingngeit niam, jaidbynriew, shynrang kynthei, jaka ba la kha, rta, ki kam ba trei bad kino kino ki jaka pule /kynhun seng ki lah ban aplai ia kane ka khusnam.