Khot trial ka AJCA ban jied khynnah ialehkai U-19

Syllad | The Rising MeghalayaMarch 22, 2022

Ka All Jaintia Cricket Association (AJCA) kala pynbna paidbah ba kan pynlong iaka trial ne ka jingpyrshang ban ioh jied iaki khynnah ialehkai haka kyrdan U-19 ha Jowai haka 26 tarik une u bnai.

U General Secretary AJCA, Ma W Sohlang ula iathuh ba kane ka trial ka dei na ka bynta ki khynnah shynrang. “Ki khynnah ialehkai kiba shah jied kin mihkhmat iaka synjuk sha ka inter District Tournament 2022 ka ban long haka taiew ba-ar jong bnai Iaiong (April) 2022,” ula ong u ma Sohlang.

Ka jingot snem ne ka rta ka long ia kiba kha naduh 01.09.2003 bad 31.09.2005 kiba lah ban iashimbynta ha kane ka trial. Ka por ban ai kyrteng ne ka Reporting time kalong ha shuwa ka 7.45 am ha madan Jrisaleiñ Chutwakhu, Jowai.    

Baroh ki khynnah kiba wan sha kane ka trail ki deo ban wanrah ryngkat iaki Original Birth Certificate, Etc.

Kino kino kiba kwah ban ioh jingtip ba bniah phone ha kine ki nomber – 7085717725, 7005110084, 9366448528,7005217560.