Khot u Lakhon iaki para MDC ban ïatreilang ha JHADC
JOWAI: U Ma Lakhon Biam ula jop suk ïaka shuki Chairman jong ka Jaiñtia Hills Autonomous District Council (JHADC) haka election jied Chairman kaba long haka sngi Palei ha ïing dorbar ka konsil.
U Deputy Commissioner, West Jaiñtia Hills District, Ma Garod LSN Dykes uba pyniaid ïaka jingjied Chairman ka konsil, ula pynbna ba u ma Lakhon Biam ula jop khlem don mano mano ba ïakhun pyrshah ïaka shuki Chairman.
![](https://www.syllad.com/wp-content/uploads/2024/09/JIT-Vacancy-823x1024.avif)
U ma Lakhon udei u Engineer PWD uba la iehnoh ïaka kam bad rung sha ka jylli jong ka sain hima sima ha u snem 2017. Ula ïakhun ïaka MLA elekshon na Raliang ha u snem 2018 bad ula shah rem.
Ha kane ka kynti ula jop ïaka elekshon MDC ka JHADC na Nongbah pyrshah ïa u MDC bala jop lai sien, u Shemhok Garod.
U Ma Lakhon haba kren ula ong ba un pyndep hok ïaka kamram kaba la bynshet ha u bad ula khot la wer iaki dkhot ban ïatreilang bad lala kyn ïa baroh ki MDC ban ai jingmut ïa kino kino ki kam kiba dei ban pynbha ha ka rukom pynïaid dorbar bad kiwei kiwei ki kam ka konsil.
Leave a Reply