Khot wer iaki kynhun tem sha ka Beat Contest ka Sohkha Mission Multipurpose Club

Syllad | The Rising MeghalayaAugust 31, 2023

Kum shibynta ban plie lad iaki kynhun tem na Jylla ban pyni sha ka pyrthei iaka sap ka phong haka put ka tem, ka Sohkha Mission Multipurpose Club, Sohkha kan pynlong da ka Beat Contest haka 14 tarik Nohprah (December) 2023.

Ka Sohkha ka dei ka shnong kaba hap hapoh Amlarem Sub Division, West Jaintia Hills District.

Kane ka beat contest kan long ha madan jong ka Sohkha Kynjai Club ha lad Sohkha.

Ka Sohkha Mission Multipurpose Club kan ai ruh iaka khusnam pisa sha ki ba jop ha kaba ka lahduh kan ioh rah iaka song pisa T.50,000, kaba lahduh ba ar T.30,000 bad ka lahduh ba lai T.20,000. Ka bai rung ne ka entry fee kalong T.3000.

Ia ki form dei ban pynpoi shuwa ka 30 tarik Risaw (October) 2023. Iaki jingtip ba khambniah phone ha kine ki number 8974284038 | 8974102673.

U Bah PK Khonglah president Sohkha Mission Multipurpose Club ula ong ba kiba jop na kane ka beat contest kin ioh ruh ban tem haka fete kaba la pynlong ha ka sngi kaba bud, kata 15 tarik Nohprah 2023.

Ha kane ka fete ruh kin don ki kynhun tem kum ka Snow White, D Lerry Sumer, Swetlana Pohtam, DJ D Bryan. Ka DJ Fifi kan tem haka 14 tarik.

Na kaliang ka club ka khot wer iaki kynhun tem ne band ban wan iashimbynta ha ha kane ka beat contest bad kyntu ban phone ban ioh iaki jingtip ba khambniah. Iaka sound system yn pynbit pynbiang da u Bah Bari Khonglah.