Khot wer iashimbynta ka WJHDCA haka District Cricket League, khot pyniasoh thymmai & sdang ka iew iadie iathied player

Syllad | The Rising MeghalayaMarch 5, 2024

Ka West Jaintia Hills District Cricket Association (WJHDCA) kala pyntip ba kan pynlong iaka District Cricket League, ka tarik bym thikna bha ha ki taiew ba khatduh u bnai Lber 2024. Kumta ka khot wer ia baroh ban iashimbynta ha kane league ban plie lad iaki khynnah bad samla ban shimbynta haka ialehkai cricket.

Kane ka jingialehkai kan long haka dur ka one day match, bad 35 overs. Ka bairung player kalong T.100 uwei bad ym dei ban duna iaka 15 ngut kawei ka kynhun bad ka entry fee ka long T.4500 kawei ka team.

Shuh shuh ka WJHDCA kala pyntip ruh ba ka pdiang ia kino kino kiba kwah ban pyniasoh ne affiliate bad ka synjuk bad ka jingsiew kalong T.1000, katba ka renewal affiliation kalong T.500.

Ka tarik ba khatduh ban pdiang iaka bai rung ne ka entry, registration bad kumjuh ka affliation kalong ha lane shuwa ka 20 tarik Lber haka por 4 PM. Ka jingpyniakap iaki team kan long ha kajuh ka sngi haka por 4:30 PM

Ha kaba iadei bad ka iew iadie iathied player (transfer player) ka long haka dor T.300 uwei bad ka tarik ba khatduh ka long 14 tarik Lber 2024.

Na ka bynta ka jingtip ba khambniah phone ha kine ki number 7005666802, 9863043885, 8729912904, 7005217560.