Khring ka shnong Mawthei, Ri Bhoi District ia ki hajar ki nongwan shangkai na kylleng

Syllad | The Rising MeghalayaDecember 17, 2023

Ka Shnong Mawthei hapoh Umroi, Ri Bhoi District bad kaba dei ka shnong kaba don ha ka jaka ba long lum ka la kylla long mynta kawei na ki jaka kaba khring ia ki hajar hajar ngut ki nongwan shangkai na kylleng ban sakhi ia ka jingitynnad jong ka mariang khamtam ha ka por dang step phyrngab ba ka sngi ka sdang ban kynjat shai (Sunrise) ha kaba lah ban sakhi ia u lyoh ba rben uba per bad khih phaloh halor suin.

Katkum ka jingiathuh da ki nongshong shnong la ong ba ka jingwan tuid jong ki nongwan shangkai ka la nangkiew shuh shuh katba nangmih ki sngi ha kaba da ki hajar hajar ngut ki briew ki ju man poi dang step phyrngab ban sakhi ia katei ka jingitynnad jong ka mei mariang.