Khur namjop u Pynshngain Bareh haka Mixed Martial Arts ha sorbah Guwahati

Syllad | The Rising MeghalayaDecember 21, 2020

U Pynshngain Bareh ula khur jingjop haka jingïalehkai haka lympung ialehkai Mixed Martial Arts ba la pyniaid da ka Bidang MMA and Fitness Gym kaba la long haka 13 tarik ha sor Guwahati.

U Pynshngain Bareh na ka Shnong Jalaphet Sutnga udei u rangïalehkai kura na ka Club Ferdy School Of Martial and The  Revolution MMA.

Ula ïoh khur haka Flyweight Category 57kg da kaba pynliem ïa u John Darlong ba dei na ka Club Bidang  MMA Guwahati ha ka Second Round da ka buid submission Arm Bar.

Kum ban shu pyn kynmaw kane ka club ka lah jop teng ha ki jingïalehkai Mixed Martial Arts ha u snem 2019.

U Kisan Bareh u la khur jingjop ha ka jingîaleh kai Mixed Martial Arts 2019 ba la pynlong da ka Ground and Pound Nongpoh ha District Library Nongpoh da kaba pynliem ïa u Inamul na ka club Dastbi MMA Guwahati ha ka First Round ha ka kyrdan 62kg Bantam weight.

U Sumarlang Marwei u la khur jingjop ha ka jingïa kura K-1 ba la pynlong da ka Dastbi MMA Guwahati 2019 ha SAI Stadium, Platan bazar.

Ka FSOMA and The Revolution MMA ka ai khublei bad kitbok kitrwaing ia kine ki nongialehkai ba kin ioh jingjop haka jingim ialehkai.