Khur takma ksiar ka Daniella na ka ïalehkai Mixed Martial Arts

Syllad | The Rising MeghalayaAugust 12, 2019

SHILLONG: Ka Daniella Wanda Mylliemngap ba shong ba sah ha Lum Dorbar, Lumparing bad pule ha skul Raij Laban, ka la wanran ïa ka nam bad burom ia ka jylla, hadien ba ka la ïoh ba kan khur ïa ka takma ksiar na ka rynsan ïalehkai 5’th Bengaluru Open Mixed Martial Arts Open kaba la long ha ka 9-11 tarik mynta u bnai.

Ka Daniella ka dei ka thei ialehkai MMA kaba la pyntbit ialade ha ka shlem ai jinghikai ka Ray’s Combat Team kaba don ha shnong Malki.

Kane ka sien ka sien kaba nyngkong ha ka jingim ïalehkai jong ka Daniella ba kan khur ïa ka takma ksiar ha ka jingim ïalehkai ka jong ka, hadien ba ka la lah ba kan pynliem ïa ka thei ïalehkai kaba dei napoh ka jylla Kerela, ha ka kyrdan iakhun jong ka 54kg fly.

Nalor ka Daniella, u Lalmuanawa u la ioh ba un khur ia ka takma rupa na ka kyrdan iakhun jong ka lightweight 68 hadien ba u la shah pynliem noh ha u rang ialehkai ka shlem ai jinghikai ka Bengaluru.

Lyngba kane ka jingjop, ka Daniella ka la shah jied ba kan mihkhmat ïa ka India sha ka rynsan ïakhun jong ka Youth Championship kaba la buh ban long ha Bahraijn ha u Naiwieng mynta ka snem.