Khut ka DCIC ya kiwa kwah u chah sikai hei chna tiar wa boonjait boon rukom

Syllad | The Rising MeghalayaFebruary 1, 2024

Ka tnat krehkam District Commerce & Industries Centre, West Jaintia Hills ha ka 31 tarik Duiatra da khut ko ya ki bru wa chongchnong ka West Jaintia Hills kiwa kwah u chah sikai hei wow chna tiar chna tar na ki sieh ki thri wa na kiwi ki tiar kiwa danoh nae booh chakdong (Waste material).

Kiwon kiwon kiwa kwah u ioh yeini i sikai ye ki ioh ya ka Form na yung krehkam u District Commerce & Industries Centre, Mihmyntdu nadooh ka 1 tarik Thohlakhmi(February) wei ka sngi khatdooh wow pdiang ya ki Form u man ko ha ka 8 tarik Thohlakhmi.

Ya ka interview nae i peit i sylli bniah ya kiwa thap Form u man ko ha ka 9 tarik Thohlakhm nadooh i por 11.00 A.M ha kamra krehkam iong u District Commerce & Industries Centre, West Jaintia Hills.

Kani ka esikai u man ko man ko 25 sngi wei ka thaw wow pynman ya ka training toh ha Community Hall Sohkha Mission, Amlarem Block.