Khyllem noh u Bah Titosstarwell kum u CEM KHADC thep kyrteng u Pyniaid ban iakhun iaka shuki

Syllad | The Rising MeghalayaJune 19, 2023

Ka Executive Committee kaba ialam u Bah Titosstarwell Chyne ha Khasi Hills Autonomous District Council (KHADC) kala khyllem noh daka No Confidence Motion haka sngi Nyngkong.

Kane ka executive Committee ka dei kaba ialam da u bah Titosstarwell Chyne la pynkhyllem ia u da ka No Confidence Motion kaba la wanrah da u MDC NPP na Rambrai Jyrngam u Bah Bajop Pyngrope ha ryngkat ka jingkyrshan ki MDC ka Congress haka sngi sdang ka dorbar lyuir ka konsil. Kane ka No Confidence Motion kaba la wanrah u Bajop kala ioh ka jingkyrshan jong ki 17 ngut ki dkhot kynthup ki MDC Congress.

U Bah Lamphrang Blah chairman ka KHADC, ula pynbna ba ka EC u bah Titosstarwell kala khyllem bad ka jingjied ia u CEM kan long haka 20 tarik Jylliew. Ula pynbna ba ki kyrtong kiba kwah iakhun iaka shuki CEM kin thep kyrteng noh sha u Secretary Legislative ka konsil bad ia ka jingbishar kyrteng yn sa pynlong mynta hi ka sngi.

U Bah Titosstarwell haba kren ula ong ba ka jingkhyllem ka EC jong u kum u CEM kam don kano kano ka daw ban duh jingshaniah, hynrei ka dei ka jingshetkylla. Kane ka jingshah shet kylla ka UDP ka jia long hadien ka jingiatrelang ka Congress bad NPP tang ban pynkhyllem iaka EC kaba ialam ka UDP

Hadien bala khyllem ka EC kaba ialam u bah Titosstarwell Chyne na ka UDP, U MDC ka Sohryngkham Bah Pyniaid Sing Syiem u la thep kyrteng kum u kyrtong ka NPP ban iakhun ia shuki CEM ba thymmai ka KHADC.