Khyllem u post light ba khein sting ka MeECL ban bujli: JYF

Syllad | The Rising MeghalayaNovember 18, 2021

Ka Jaintia Youth Federation (JYF) Bataw Unit kala kynnoh ba ka MeECL kala khein sting ban bujli ia u post light kaba la wanrah iaka jingkhyllem u post light haka shnong Bataw, East Jaintia Hills District.

Kane ka jingkhyllem u post light ha katei ka shnong kala jia haka sngi Balang.

Ka JYF kala ong ba kala dep ai jingthoh halor ka jingshong synjor ki post bording haka shnong Bataw naduh u bnai 15 tarik Iaiong jong une u snem sha u SDO MePDCL ban maramot iaki post bording ha katei ka shnong.

Hynrei ka jinglehbymsuidniew jong kane ka tnad pynmih bording kala wanrah iaka jingkhyllem u post light. Ha kane ka jingkhyllem u post light kam don kano kano ka jingjia mynsaw mynsnam.

Ka JYF kala pynrem iaka rukom treikam kane ka tnad kabym don iaka jingkitkhlieh ban ai iaka jingshakri sha u paidbah haka rukom kaba long shngain iaka jingim briew.