Khynñiuh u jumai ba khlain bor 5.4 iaka Bangladesh, Meghalaya

Syllad | The Rising MeghalayaAugust 14, 2023

U jumai uba don ia ka bor jingkhlain kaba 5.4 magnitude u la pynkhynniuh ia ka Bangladesh bad ia kane ka jingkhynniuh la ioh sngew ruh sha ki bynta jong ka Meghalaya bad kiwei pat ki jylla jong ka thain shatei lammihngi (Northeast) mynta ka janmiet sngi Nyngkong.

Ka National Centre for Seismology, kala ong ba ka thymmei jong une u jumai ka long na Bangladesh bad iohsngew iaka jingkynniuh haka por 8:19 PM ha u Latitude 25.02 North bad Longtitude 92.13 East.

Ka thymmei jingjylliew une jumai ka long 16 Km. Ka jingkynñiuh kala ktah iaka jylla ha rilum Khasi Jaintia katto katne ki jaka ha Assam bad ri Bangladesh.