Khynra ka KSU iaki bar jylla ha Iawmusiang Jowai bat iaki bar jylla ba wan poi na West Bengal
Ka Khasi Students’ Union (KSU) Jowai Unit kala pynlong iaka jingkhynra iaki bar jylla kiba naka jaidbynriew Nepali ha Iawmusiang bad kala ioh bat ruh iaki bar jylla kiba wan poi na jylla West Bengal ban die syiar ha Jowai haka sngi ba Ar.
U Publicity Secretary ka KSU Nidapoi Shadap ula iathuh ba dang step ioh bat ia kine ki bar jylla ba ki iaid ki ieng ha surok ban leit sha lynti war Jaintia bad kila bat ia kine ki bar jylla. Ula iathuh ba ki don saw bad ula ong ba ki dei kiba naka jylla West Bengal bad kim don kino kino ki kot ban pynshisha.
La ong ba kine ki bar jylla kila tyrwa pisa ia ki dkhot ka KSU bad ruh na kaliang ki Pulit Jowai kila rah ruh iaki nongialam ka KSU Jowai sha thanad kynthup ia u president Ewanmi Phawa, general Secretary Leonard Dhar, publicity Secretary Nidapoi Shadap bad u wei u dkhot Ewanmi Kyndait ban kylli tohkit halor kane ka jingbat ia kine ki bar jylla.
Ka KSU kala ong ba kam kwah ban batai iaka kam jong ki pulit, hynrei kala ong ba kan nym pyndem bad kam nym ailad ba ki bar jylla kin wna ban rung khyrthep sha kane ka thain ban iada iaka jaidbynriew.
Ha kawei pat ka khubor ka KSU kala khynra ia kawei ka iing ha Lakhi Building Iawmusiang kaba sah ki jaidbynriew Nepali bad kala lap ba kiba bun na kine ki Nepali kiba trei ba ktah ha Jowai la bun bun snem kim don ki kot ki sla ban trei ban ktah ha Jylla.
U publicity secretary KSU ula ong ba kane ka jingkhynra ka KSU kala pynlong haka 15 tarik une u bnai bad kala don ruh ka seng “Mool Pravah Akhil Bharat Nepali Ekta Samaj” kaba thmu ban tuklar, hynrei namar ka jingshong jingsah jong ki kalong kaba beaiñ ka KSU kala phah iaki ban leit phai n aka jaka kaba ki wan.
Facebook
Instagram
Youtube
Twitter
Leave a Reply