Khynra ka KSU War Jaintia iaki bar jylla bym don kot don sla ha Amlarem

Syllad | The Rising MeghalayaFebruary 20, 2022

Ka Khasi Students’ Union (KSU) War Jaintia Circle haka sngi Saitjain kala khynra bad jurip iaki kot ki sla jong ki bar jylla kiba khaii pateng bad trei bylla ha Amlarem.

Ha kane ka jingkhynra ka KSU la ialam da u president KSU War Jaintia Circle Laitphar Syngkrem, president Girls’ Wing ka Ladaplyne Hayong, general secretary Lurman B Talang nalor kiwei kiwei ki dkhot ka KSU.

Ka KSU kala lap iaki san ngut ki bar jylla ki bym biang ia ki kot ki sla bad shong beain hapoh ka shnong Amlarem.

Pule | Liat ka trok kit dewiong ha nala ha surok Jowai Bypass

Ka KSU kala ong ba ki don bun ki bar jylla kiba lah phet rieh sha khlaw hadien ba ki la ioh jingtip iaka jingkhynra kot sla jong ka ha katei ka thain.

Ka KSU kala ong ba katba dang mih ki sngi ki bar jylla ki nang bun nang bun namar ka jingailad bad ai NOC iaki ba kin ioh ban trei bylla bad khaii pateng ha katei ka thain. Ka KSU kala kyntu ia ki bor ba dei peit ba kim dei ban ai laitlan ban wan trei wan ktah ki bar jylla khamtam ia ki jait jingtrei kiba dang lah u trai ri trai muluk.

Pule | Yn khang iaki iew ki hat lada ym kohnguh iaki adong shnong ong ka Dorbar Shnong Tympang Iawmusiang

Ka KSU kala ai khublei VDP Amlarem kiba iatreilang ha kane ka jingkhynra ia ki bar jylla bym biang kot biang sla ban trei ban ktah ha Amlarem