Khynra nongtrei bar Jylla ka HYC ha War Jaiñtia; lap bym don kot don sla
JOWAI: Ka Hynniewtrep Youth Council (HYC) War Jaintia Circle mynta ka sngi Ba ar ka la leit ban khynra iaki nongtrei bar Jylla ki bym don kot don sla ha Amlarem Sub-Division, West Jaintia Hills
Ka seng ha ka jingleit khynra kala lap ïaki 11 ngut ki nongtrei bar Jylla kiba na ka shnong Kalaiñ Assam bad haka jingtalasi ïki kot ki sla jong ki la lap ba kim lah satia ban pynithuh ïalade ba ki dei ki nong Ri India.
![](https://www.syllad.com/wp-content/uploads/2024/09/JIT-Vacancy-823x1024.avif)
Ka HYC kala phah sangeh bad phah leit phai na ka jaka kaba ki wan namar ba wat ka Labour License bad kiwei kiwei ki kot ba dei ban ïoh na Jaintia Hills Autonomous District Council (JHADC) ruh kim don.
U Yoodahunki Shylla President HYC War Jaintia ula pynpaw ka jingsngew lyngngoh ba kine ki bar Jylla ki la trei ha kane ka iing la jan dap ar snem mynta hynrei kim don wat ia ka Labour License.
Ula ong ba ka seng kan ym shongkli kti ban pynlong ia kum kine ki jingkhynra bad ha kajuh ka por ula maham ia baroh ki kontraktor kiba pyntreikam ha ka thain War Jaintia ba kim dei satia ban wan ialam da ki briew na kiba na bar Jylla khamtam iaka kam kaba ki trai shnong ki lah ban trei.
Ha kane ka jingleit khynra ki dkhot ka HYC Jaintia Hills District kiba donlang ki kynthup ia u President u Mewathi Suchiang bad u General Secretary u Romingstar Lamare nalor ki katto katne ngut ki dkhot ka HYC-War Jaintia Circle.
Leave a Reply