Khyrwit hattrick ka Amethis, jop bun kol Dkhiah West iaka Iongkaluh haka Women’s League ka EJHDFA

Syllad | The Rising MeghalayaDecember 19, 2023

Ka samla Amethis Darnei kala khyrwit iaka hattrick kaba nyngkong eh jong ka haka jingjop ba bun kol ka Dkhiah West da 12-0 pyrshah iaka Iongkaluh haka jingialehkai football ‘2nd Edition Women’s League’ kaba pyniaid da ka East Jaintia District Football Association (EJHDFA) kaba long ha madan artificial turf ha Diengshynrum ha ka 18 tarik Nohprah.

Ka Amethis marwei kala thep saw kol, mar ar kol ka Batbitbha Bareh, Russia Dkhar bad mar shikol la iarap thep da ka Iris Dkhar, Phaintis Lyngdoh, Jingshisha Bareh bad ka Release Lyngdoh.

Ha kawei pat ka jingialehkai, ka Diengshynrum SC ka la bteng ban khur jingjop da kaba pynliem iaka Wapung Combine da 1-0 bad ia kane ka kol la thep da ka Ibashisha Khongwet haka minit ba 68 lyngba ka penalty.