Khyrwit hattrick u Dangri Phawa ka Mowkyndeng, jop ka Rising, Thadmuthlong haka Third Div ka WJDSA

Syllad | The Rising MeghalayaApril 28, 2022

U Dangri Phawa u rangialehkai ka Madankynsaw Mowkyndeng ula khyrwit da ka hattrick pyrshah iaka Catholic Youth Mihmyntdu haka jingiakhun Third Division Football Tournament-ka 2nd Adelbert Laloo Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Palei.

Lyngba kane ka hattrick ka Mowkyndeng kala jop haduh 6-0 kol iaka Catholic Youth Mihmyntdu.

U Dangri marwei ula thep ia kine ki lai kol haka minit kaba 33, 69 bad 72. Ar ko Carnelius Suchiang 56, 66 bad shikol da u Heiwamut Lamare 54.

Ha kawei pat ka jingiakhun ka Madan Thadmuthlong kala jop 5-2 kol iaka Pammanik. Ia kine ki 5 kol la thep da y Manhok Suchiang 13, Pyniaidmiki Tang 31, 51 bad Precious Tang 67, 80+2. Ar kol ka Pammanik la thep da u Jamris Talang 49, bad u Iowsar Suchiang 76.

Ka Rising Mukhla pat kala jop da 2-02 kol iaka Mookswan Dongwah. Ia kine ki ar kol ka Rising kala thep lyngba u Kestar Pyrtuh 41 bad Pynhunmiki Skhemiew 54.