Khyrwit hattrick u Jeffrey Surong jop ka Ladthadlaboh 7-0 iaka Sabamuswang haka Super Division ka WJDSA

Syllad | The Rising MeghalayaSeptember 10, 2022

U Jeffery Surong ula kylla long u namtam bad lam lynti iaka Ladthadlaboh ban khur iaka namjop kaba bun kol da 7-0 pyrshah iaka Sabahmuswang haka Super Division Football Tournament kaba pyniaid da West Jaintia District Sports Association (WJDSA) kaba long ha Kiang Nangbah Stadium haka sngi Saitjain.

Kane ka hattrick u Jeffery Surong kala mih paw haka minit kaba (31’, 45’, 56’). Mar shikol la thep da u Medon Salahe (7’), Nitenjan Pala (26’), Thikwell Bareh (27’) bad u Simeon Suchiang (40’).

Da kane ka namjop ka Ladthadlaboh kala kamai 13 poin bad ka Sabahmuswang kala neh shi poin. Ka 7 Wasa utd kala wan haka kyrdan kaba khliehduh 15 poin.