Ki dkhot ka EC barim ka Jarain ba kyntait iaka kam acting waheh shnong, wat kynnoh ia u Dolloi
Hadien ka jingmih ka kynhun kaba kumba 100 ngut ki nongshong shnong jong ka Shnong Jarain ha ka 17 Oct, 2020 ngi na ka liang ki nongkitkam shnong ngim banse ban pynshai ia baroh ki jingshisha kiba la jia hapoh shnong Jarain.
Halor ka jingkynnoh ba la thung donbor da u Dolloi ia u Acting Waheh Shnong, Jarain ngi wan ban pynshai kumne:
Ba na ka liang jong u Dolloi ula bthah ia u Skhemtriang Pohti, General Secretary, Jarain Village lyngba ka shithi NO. DEA/2020-21/15 Dated 3 July 2020, ban jied 25 ngut ki riew Rangbah jong ka Shnong Jarain khnang ban ioh ban jied ia u Acting Waheh Shnong jong ka Shnong Jarain katkum ka jingbthah jong ka Administrative Officer, JHADC.
U Dolloi ula kdew shai ba ym lah ban jied Acting Waheh Shnong khlem ka jingiadon lang jong u Dolloi lane ki briew jong ka Elaka ba la bthah da u Dolloi. Na ka liang jong u Skhemtriang Pohti ula phah iaka shithi Dated 9th July 2020 sha u Dolloi ba ka jingialang kaba la don 25 ngut ki briew bad ki la jied ia u Kliarbha Sana kum u Waheh Shnong (ym kum Acting Waheh Shnong).
Haba peit iaka list jong kita ki 25 ngut la paw shai ba don tang 19 iing kiba poi ha katei ka meeting bad la mih ruh arngut lai ngut shi iing. Ki nongsoi kyrteng ia kata ka meeting ruh kim dei ki dkhot jong ka Executive Committee jong ka shnong bad kim dei ruh ki riew Rangbah hynrei kidei ki briew kiba la jied tang na ki 19 iing kiba kynthup ia u Kliarbha Sana bad ka lok jong u ka Idaroi Pohleng, u Skhemtriang Pohti bad ka lok jong u ka Rani Suting, u Rolin Phawa bad ka ook jong u ka Banni Surong bad u khun jong u Hemi Surong, ka Tan Pamthied bad u lok jong ka u Khraw Tariang bad u khun jong ki u Wanphai Pamthied.
Na ka liang jong u Dolloi um lah ban pdiang ia kane, namar ki la leh khlem ka jingiadonlang jongu bad kumta u la phah ia ka shithi No. DEA/2020-21 Dated 13th July 2020 da kaba pyntip ia u General Secretary Shnong, Jarain ba un wan sha ka shnong Jarain ha ka 18th July 2020 ha ka por 11:00 AM khnang ba yn lah ban jied ia u Waheh Shnong/Acting Waheh Shnong. Hynrei ia kane ka shithi jong u Dolloi na ka liang jong u Skhemtriang Pohti ula leit ujor sha ka SDO (Civil), Amlarem bad ka SDO ka la pyntip ia u Dolloi ba um lah ban pynlong kano kano ka jingialang khlem da ioh jingbit na u Deputy Commissioner.
Na ka liang jong u Dolloi ula pan jingbit na u Deputy Commissioner bad hadien ba u la ioh ia ka permission na u DC ula khot ia u General Secretary Jarain ban ia kynduh ia u Dolloi ha Headquarter jong ka Elaka ha Mupyut ha ka 31 July 2020 lyngba ka shithi No. DEA/2020/21/24 Dated 29h July 2020. Hynrei u Skhemtriang Pohti hadien ba u la dep pule ia ka shithi um treh ban pdiang ia ka shithi bad na kata ka daw ki nongshong shnong ki len ba kim tip bad ki kynnoh pynban ia u Dolloi. Ha ka jaka ba kin pyrshah ia u Dolloi ki la dei ban pyrshah ia u Skhemtriang Pohti.
Kumta ha ka jingiadei bad ka jingkynnoh ia u Ami Tariang, Acting Waheh Shnong bad u Jingieit Nangbah, General Secretary, ba ki kwah shuki, ngi pynpaw hangne ba ka shuki Acting Waheh Shnong ka don ha poh pla jong u Secretary Shnong (Skhemtriang Pohti) hynrei namar ba kim treh ban iatreilang bad u Dolloi, la thung ia u Ami Tariang bad mynta pat ki la babe kylla bad pynmih jingkulmar hapoh shnong hapoh thaw.
Halor ka jingiakren jong u Jefrin Sumer uba kam ialade ba u dei u dkhot shnong, ba ki pyrshah iaka jingthung Acting Waheh Shnong bad kim don jingpyrshah iaka jingplie iaka iew Jarain Hynrei balei pat ki khang ia ka jingplie iaka iew? Ka jingshisha ka long ka la don ka jingthmu jong ka Dorbar Shnong Jarain hapoh ka jingialam jong u Klarbha Sana kum u Waheh Shnong bad u Skhemtriang Pohti kum u Secretary Shnong, ban knieh jubor ia ka lew Jarain da ka Dorbar Shnong ha kine ki snem ba la dep. Ha u snem 2018 ka Dorbar Shnong Jarain ka la thep sha District Council ia ka Managing Conmmittee bad halor kane ka District Council ka la bthah ia u Dolloi ban leit enquiry halor kane ka kam namar ba mih ar tylli ki Managing Committee.
U Dolloi ula pynlong iaka Mecting ha Mupyut ban iakren halor kane ka kam ha ka 13 Oct 2018. Ha kata ka jingialang ruh ki nong Jarain ki la iamih kumba 60-70 ngut ban kam ba ka iew kadei ka jong ka Dorbar Shnong Jarain. Hynrei ynda la iakren hapoh kata ka jingialang la sakhi da baroh ki shnong ba ka lew Jarain ka dei ka jong ka Amwi Ar-Lyngdoh.
Hadien ba ki nong Jarain kim don nia shuh, ki la kdew nia ia ka jingdkoh jong ka Managing Committee jong ka iew Jarain. Halor kane la shim rai ha kane ka Dorbar ban thung ia ka Sub Committee ban wad bniah ia ki jingdkoh jong ka Committee lew bad la jied ia u Dolloi kum u Chairman kane ka Sub-Committee bad ki Waheh Shnong jong baroh Saw Shnong kum ki Dkhot.
Kane ka Sub Committee kaba kynthup ia u Kliarbha Sana kum u Waheh Shnong jong ka Shnong Jarain ka la pynbeit ia kita ki jingduna ka Committee lew bad la jied thymmai ia ki nongkitkam jong ka lew ha ka jingialang jong ka Amwi Arlyngdoh ha ka 5h Oet, 2019.
Ha u snem 2019 la dep die lilam ia ka lew Da ka District Council, hynrei u Kliarbha Sana um ailad ia u nongthied iew ban khrong khaja. Na ka liang ka District Council ka la summon iaki nongkitkam jong ka Shnong Jarain bad ha kata ka por la dep iasoi ia ka Agreement ban ailad ia u nongthied iew ban khrong khajna ia ka iew Jarain.
Hynrei ynda la poi hapoh shnong u Kliarbha Sana u la khang ia u nongthied iew ba um dei ban khrong khajina. Kumta u nongthied iew um banse ban pan refund na ka JHADC ia ka pisa kaba ula thied ia ka iew. Ki nongshong iew ki lait na kane ka khajna baroh u snem 2019-20.
Ha ka 21st Feb 2020, ka JHADC lem bad ka Managing Committee ba la jied da ka Amwi Ar Lyngdoh la die lilam biang ia ka iew Jarain da ka jingmynjur lang jong baroh ki Waheh Shnong kynthup ia u Kliarbha Sana, u Waheh Shnong jong ka Jarain Village.
Ka jingbym sngewthuh jong ki nongshong shnong kadei na ka daw ba ym pat shah ban long Dorbar. Kumta da ka jingsngewkhia mynsiem, ngi pynshai hangne khnang ba ki paidbah kin sngewthuh bad ha kajuh ka por ngi kyrpad ia ki nongshong shnong Jarain ban poi sha ka miej jingiakren khnang ban lah ban wanrah ia ka jingia shongsuk shongsain hapoh shnong jong ngi ynda la shah ban pynlong Dorbar ngin sa pynshai baroh ha khmat ka Dorbar Shnong khnang ba ki paidbah kin sngewthuh shai.
u Ami Tariang | Acting Waheh Shnong Jarain.
u Jingieit Nangbah | General Secretary Jarain.
Facebook
Instagram
Youtube
Twitter
Ki paitbah ba mih ha ka 17 th October 2020 ban pyrshang ia u doloi halor ka jingthung acting waheh chnong ia u Ami Tariang bad u Jingieit Nangbah dei kiba lah kot shaduh 400 tam