Ki don haduh 40-50 % ki samla pule ka Jylla kiba khlem register ia ka CUET-UG
U Myntri ka Tnat Pule Puthi ka Jylla u Rakkam A Sangma ha ka 29 tarik Jymmang, u la ong ba ki don haduh 40 bad 50 percent ki samla pule ka Jylla kiba la pyndep ia ka Class XII kiba khlem register na ka bynta ban iakhun ia ka eksam Common University Entrance Test-Under Graduate (CUET-UG) kaba la long dang shen ha ka Jylla.
“Haduh kumba 6000 haduh 7000 ngut ki samla ki la iakhun ia ka eksam CUET-UG, hynrei kiba bun kim shym la register satia. Haduh 40-50% na kine ki samla kiba la pyndep ia ka Class XII ki khlem register ia ka eksam CUET mynta u snem. Kane lehse ka dei namar ka jingbym biang ki rukom pyntip, ka jingbym biang ki jingpynshai, hynrei Nga aijingmut ia ki samla pule ba kin lum bad wad jingtip da lade hi ia kaei kaba la jia hapoh ka ri,” ong u Samla haba kren sha ki lad pathai khubor.
![](https://www.syllad.com/wp-content/uploads/2024/09/JIT-Vacancy-823x1024.avif)
Nalor kata u Myntri u pyntip ruh ba ha kine ki lai snem lynter kiba la dep, ka Jylla ka la lait na ka CUET bad ong, “Nga kwah ban pyntip sha baroh ba ha kine ki snem ki ban wan, ngin ym lah shuh ban pynksan ban pan ban pyllait biang na kane ka eksam. Na ka bynta ki kolej khamtam ba ki la iateh bad ki Central University, kumta ki samla pule bad ki jaka pule ki dei ban long kiba la pynkhreh bad ban tip bha halor ki bynta baroh bad ba ki dei ban rejister na ka bynta ka eksam CUET khamtam ia kito kiba kwah ban ioh rung klas ha ki kolej bad iateh ba ki Central University.”
“Kaba sngewtynnad ka long ba hadien ba la iakhun ia ka eksam CUET, ngin lah ban sngewthuh haduh katno ngi la trei minot bad kumno ngi la iashim bynta bad ngi lah ban sngewthuh ia ka jinglah jong ki samla pule hapoh ki jaka pule ki jong ngi. Hynrei kum u nonghikai hashwa ban rung sha ka kam sain pyrthei, Nga kwah ban aijingmut ia ki samla pule ba ngim dei ban syier ban iakhun ia kino kino ki entrance eksam, ngi dei ban pyrshang ban ioh mad bad sngethuh, hynrei na ka bynta jong nga, hooid na ka bynta ban ioh rung ha ki Central University ka eksam CUET ka dei kaba hap ban pyndep ha ki sngi ki snem ki ban wan,” u la ong.
“Watla katta ha kaba iadei bad ka jylla Meghalaya, ki jaka pule kiba kwah ban iateh bad ka State University kaba thymmai ha ka Jylla, ka Captain Williamson Sangma State University ki la don bun bad ba ki jingpyniaid ia ki kam ki jam ki la nangiaid shakhmat,” ong u Myntri.
Leave a Reply