Ki kam bala pyllait u District Magistor Jowai naka ‘CURFEW’

Syllad | The Rising MeghalayaApril 24, 2020

U District Magistor jong ka West Jaiñtia Hills kum shibynta ban pyntreikam ïaka jingbthah jong ka Ministry of Home Affairs, Government of India, ula pynjari iaka Curfew naduh 6 baje mynstep jong ka 24 tarik tad haduh bala pynbna da kumwei ban iada naka jingsaphriang ka khlam coronavirus disease (COVID-19).

Ha kane hukum kaba la pynmih u District Magistor ula ong ba baroh ki paidbah ki dei ban pynthikna ban deng salonsar iaka mask haki jaka paidbah.

Shibun jait ki kam kila lait naka jingpynjari curfew, hynrei la bun jur iaki paidbah ban bud ryntih iaki jingbthah ka koit ka khiah, kata ban deng mask, ban sait khuid iaki kti bad ban bud iaki jinghikai haba jyrhoh, synriah bad ba ym dei ban bynthiew umbiah kat shaba lap ba shem.

La khang pyrshah:

Ban ialum paidbah palat iaka 5 ngut ha kino kino ki jaka paidbah.

Ban pyniaid iaki kali kamai paidbah bad ki kali shimet

Ban plie iaki iew ki hat ha West Jaiñtia Hills District

Ki jaka ba kane ka Curfew ka treikam:

Amlarem Civil Sub-Division, Amlarem C&RD Block,

Laskein C&RD Block

Thadlaskein C&RD

Kane ka hukum kan ym treikam iaki :

Security Forces

Medical Teams on duty, 

Wholesale & Retail Pharmacies,

Police and Armed Forces,

Fire & Emergency Service, 

MeECL and Power Grid,

Food & Civil Supplies Department and FCI, 

Jowai Municipal Board,

Telecom. Communications & IT Services and CSC,  

Print and Electronic Media

Government Officials on Duty, 

Banks &Treasuries,

PHE, AH & Veterinary, Agriculture & Horticulture, C&RD. 

Ki kam ba shah ban sdang bad plie:

Ki Dukan die rashon (Fair Price Shops) kin plie man ka sngi ha baroh kawei ka district, ba kynthup NFSA and NON-NFSA naduh ka  24th Iaiong (April), 2020 naduh ka por 9.00 AM to 4.00 PM.

Ki kharkhana ban shna iaki Ambulances, kali sorkar kiba don duty COVID-19 bala jied da u District Transport Officer, West Jaintia Hills District, Jowai.

Ki dukan mar bam bad kiwei ki tiar kiba la jied da ka bor shnong ha ki kyntoit ne dong bapher bapher naduh ki wholesale ki ban plie haka Sngi Ba Ar (Tuesday) bad Thohdieng (Friday) naduh ka por 9.00 AM haduh 4.00 PM bad ki dukan Retail haka sngi Balang (Wednesday) bad Sngi Saitjain (Saturday) naduh ka por 9.00 AM haduh 4.00 PM

Ki Courier services, e-Commerce operations kiba iadei bad ki mar bam bad ki mar ba donkam katkum ka hukum sorkar nalor ki Common services centres.

Kiba trei kam lajong ba kynthup iaki Electrician, IT repairs, Plumbers, motor mechanics, bad carpenters.

Ki kharkhana shna trok ha surok bah kiba la jied da u District Transport Officer, West Jaintia Hills District, Jowai.

Hardware stores kiba la jied da u Rangbah Shnong ban pynioh tin sopïing (CGI sheets), cement bad kiwei kiba pyndonkam ban shna ne tei jingtei bad ka jingkit jingbah iaki mar kan sdang naduh ka sngi Balang (Wednesday) bad sngi Saitjain (Saturday) naduh 9.00 AM haduh  4.00 PM.

Ki dukan light ne Electrical Shops kiba la jied da u Waheh Shnong  Headman ki lah ban plie haka sngi ba Ar (Tuesday) bad ka sngi Thohdieng (Friday) naduh 9.00 AM haduh 4. 00 PM.

Ki Food processing industries ne ki kharkhana shana jingbam ha ki jaka nongkyndong kiba hap shabar u pud u ang ka Municipal, naduh kiba dung khaw, sain ne shna umphniang.

Shna Mawblock kiba don sha ki shnong nongkyndong bad shabar ka Municipal

Baroh ki kam ba iadei bad ka kam rep kam riang bad ka kam ri jingri, hynrei ban pynthikna ban bud ryntih iaka jingbthah jong ka koit ka khiah.

Ban plie iaka kharkhana shna sla sha bad ban thung sla sha bad ba dei ban ki nongtrei kim dei ban palat 50% ka jingbun haba trei ba ktah.

La shah ban kit ban bah iaki mar rep bad ki lynti ki synkieng ki dei katkum ba la jied u Deputy Commissioner.

Ka Veterinary Hospitals, Dispensaries, Clinics, la shah ba kin die dawai ban sam dawai.

La shah ban pyniaid shakhmat iaki kam bylla 100 sngi (MGNREGS) ha ryngkat ka jingteh kyndon ban don ka social distancing ne ka jingieng jingshong kham pajih bad ban deng iaki mask bad ki kam ba kongsan kiba buh ha khmat kadei ka jingpynlang um ha ki jaka rep katkum ki kyndon ka C& RD Block.

Ki kam shna surok, ka projek jong ka irrigation, ban shna ia baroh ki jait tiar kiba hap haka MSMEs ha ki jaka nongkyndong.

Ki industrial estates pat yn jied da u Deputy Commissioner ia kito kiba long kyrkieh bad dawa ban plie katkum ka SOP. 

Ka jingkhlong bad pynlang maw chip bad crusher na ki jaka kiba la ioh jingithuh ne kiba trei katkum ka kydon jong ka ain (hapoh MMMCR 2016) bad ia kine yn ai jingbit da u  Divisional Forest Officer (Territorial) West Jaintia Hills District, Jowai ban kit ba bah bad ban die.

La shah iaki kali kit sboh dawai bad Power Tillers kiba ioh pass na u District Agriculture Officer, Jowai.

La shah iaki kali kit Um kiba ioh pass na u Executive Engineer, PHE, Electrical Division, Jowai

La shah iaki kali kit kwai tympew kiba don pass bad kiba ioh na u District Magistrate. West Jaintia Hills District. Jowai lane  Addl. Deputy Commissioner, in charge  Amlarem (Civil Sub-Division, Amlarem

La shah iaki kali kit synsar Broom Sticks kiba ioh jingbit na u District Magistrate, West Jaintia Hills District, Jowai. 

Kane ka hukum kan ym treikam iaka rukom pynbeit iaki:

Dukan Retailers, Groceries kiba lah ban plie haka sngi Balang (Wednesday) bad  Sngi Saitjain (Saturday) manla ka taiew naduh 9.00 AM haduh 4.00 PM bad ki Wholesalers haka sngi Ba Ar (Tuesday) bad Sngi Thohdieng (Friday) naduh 9.00 AM haudh 4.00 PM.

Baroh ki curfew pass kiba la ai shuwa ka 16 tarik Iaiong (April), 2020 kim treikam shuh.